Свята пачнецца ў 11 раніцы на бульвары Грахоўскага.

Усіх чакае тэатралізавана-канцэртная праграма «Масленіца ідзе — блін ды мёд нясе!», традыцыйныя народныя гульні, забавы для дзяцей і дарослых. Не абыдзецца на свяце і без масленічнага слупа: толькі самыя спрытныя і дужыя змогуць справіцца з гэтым выпрабаваннем і здабыць шчодры прыз. Сіламі можна будзе памерацца таксама ў перацягванні каната і падняцці гіры.

Ну і як не пачаставацца на Масленіцу духмянымі блінамі, гарачым чаем ды іншымі прысмакамі? А яшчэ ва ўдзельнікаў свята будзе магчымасць набыць сувеніры, сыграць у бяспройгрышную латарэю. Важным і яркім момантам стане спальванне пудзіла Масленіцы. Адным словам, забаў хопіць на любы густ, і малым, і дарослым. На тое гэта і Масленіца!

Г. Аўтухова