Кукурузы ў раёне патрэбна пасеяць 5750 гектараў, пасеялі 3495, або 61 працэнт да плану. Пры гэтым на зерне культуру пасеялі поўнасцю, усе запланаваныя 2200 гектараў, зараз вядзецца сяўба кукурузы на сілас. Высокімі тэмпамі ідзе работа ў «Глускай Зары» (66%), эксбазе «Глуск» (65%) і «Турыно-агра» (64%). Самая вялікая плошча адведзена пад кукурузу ў аграфірме «Слаўгарадскі» — 1300 гектараў, пасеяна 762, або 59% да патрэбнага.

План сяўбы аднагадовых траў складае 1960 гектараў, пасеяна іх 970, работы прадаўжаюцца, шматгадовыя травы ў раёне пасеяны поўнасцю — 885 гектараў. Завершана таксама і другая падкормка азімых зерневых на зерне — 5609 гектараў, вядзецца падкормка зерневых яравых культур: работа выканана на 958 гектарах з 3164 патрэбных. Зараз аграрыі апрацоўваюць ад пустазелля зерневыя культуры: праведзена хімпраполка 3398 гектараў азімых і 1005 гектараў яравых.

Пяць раёнаў вобласці, у тым ліку і Глускі, прыступілі да касьбы: у раёне на корм жывёле скошана 24 гектары шматгадовых траў, нарыхтоўку кармоў у нас яшчэ не пачыналі.

Інфармацыя падрыхтавана па даных упраўлення па сельскай гаспадарцы і харчаванні райвыканкама на 16 мая