Пра гэта рэдакцыі паведаміла метадыст установы Кацярына Арцюшэня. Вочнаму этапу, які складаўся з трох выпрабаванняў, папярэднічаў завочны этап, для якога ўдзельнікі рыхтавалі відэасюжэт «Мая краіна» і пісалі эсэ «Аб той вясне». Лепшае відэа атрымалася ў Дар’і Урбанскай са школы № 1, а лепшае эсэ — у Лізаветы Лёзавай з Усцярхоўскай школы. Вучаніца гімназіі Лізавета Медзвядок была лепшай у намінацыі «Візітоўка» (гэта ўжо вочны этап), а таксама ў творчым конкурсе. Лепшыя веды ў пазнавальнай гульні «Памяць пакаленняў» паказаў школьнік з Заеліцы Максім Берднік. Ён і стаў пераможцам раённага конкурсу «Я патрыёт сваёй краіны», паколькі набраў найбольшую колькасць балаў на ўсіх яго этапах. Уладальнікам другога месца стала Ліза Медзвядок, дыплом 3-й ступені заваявала Даша Урбанская, Ліза Лёзава адзначана дыпломам удзельніка конкурсу.