У Магілёве ў апошні дзень студзеня прайшла калегія галоўнага ўпраўлення па ахове здароўя Магілёўскага аблвыканкама, там не толькі падвялі вынікі работы ўсёй медыцынскай галіны вобласці, але і ўзнагародзілі тых, хто дасягнуў лепшых паказчыкаў. Прыемна сказаць, што высокую ацэнку на абласным узроўні атрымалі намаганні глускіх медыкаў: па выніках абласнога агляду-конкурсу за 2022 год Глуская цэнтральная раённая бальніца сярод цэнтральных раённых бальніц (раёнаў з колькасцю насельніцтва да 20 тысяч чалавек) заняла першае месца — за высокія паказчыкі якасці і культуры медыцынскага абслугоўвання насельніцтва. Адпаведны дыплом быў уручаны кіраўніку ўстановы Ірыне Пятровай. Віншуем нашых медыкаў з гэтай высокай узнагародай. Дасягнуць такога прызнання няпроста. Так трымаць і далей!