Робяць гэта добра, прафесійна, падбіраючы і ўкараняючы новыя формы работы з дарослымі і дзецьмі, каб раскрыць іх здольнасці і таленты, творчы патэнцыял. Тыя, хто ў сваёй рабоце дабіўся найбольшых поспехаў, зрабіў больш важкі і прыкметны ўнёсак у культурнае жыццё раёна, з нагоды прафесійнага свята былі адзначаны ўзнагародамі. Падзячныя пісьмы Глускага раённага выканаўчага камітэта атрымалі Іна Малашук, дырэктар цэнтралізаванай бібліятэчнай сістэмы Глускага раёна, Валянціна Жлобіч, бібліятэкар Завалочыцкай сельскай бібліятэкі, і Людміла Навіцкая, загадчыца Завалочыцкага сельскага Дома культуры.
Падзячнымі пісьмамі аддзела ідэалагічнай работы, культуры і па справах моладзі райвыканкама ўзнагароджаны Алена Грамыка, загадчыца Клятнянскага сельскага Дома культуры, Вольга Байко, хавальнік фондаў раённага краязнаўчага музея, Юлія Шаўчэнка, метадыст цэнтралізаванай бібліятэчнай сістэмы раёна, Таццяна Пінчук, бібліятэкар Каткаўскай сельскай бібліятэкі, Валянціна Акуліч, бібліятэкар Усцярхоўскай сельскай бібліятэкі. Уручаючы ўзнагароды, начальнік аддзела ідэалагічнай работы, культуры і па справах моладзі Алена Самуйлік падзякавала работнікам за іх старанне, сумленную працу, творчы пошук, пажадала новых знаходак, адкрыццяў, новых поспехаў і цікавых спраў, здароўя і дабрабыту.