rubeen
logo

Глусский

районный исполнительный комитет

Официальный сайт

Адрес: 213879, г.п. Глуск, ул. Кирова, 16
Телефон приемной: 8 (02230) 78-988
E-mail: rik@glusk.gov.by
Режим работы: понедельник-пятница с 8.00 до 13.00, с 14.00 до 17.00
Четверг, 07 ноября 2019 14:47

У Глуску 8 лістапада адбудзецца раённае свята працаўнікоў вёскі “Дажынкі-2019”

У Глуску 8 лістапада адбудзецца раённае свята працаўнікоў вёскі “Дажынкі-2019”

 У Глуску 8 лістапада адбудзецца раённае свята працаўнікоў вёскі “Дажынкі-2019”. Жыхароў і гасцей горада чакае насычаная культурна-забаўляльная праграма. Пачнуцца “Дажынкі” з малебна за ўраджай, які ў 9 раніцы будзе адслужаны ў Свята-Богаяўленскім храме Глуска. Чакаецца, што набажэнства ўзначаліць епіскап Бабруйскі і Быхаўскі Серафім. 

З 10 раніцы ў цэнтры Глуска распачнецца вялікі кірмаш. Да ўдзелу запрошаны ААТ “Бабушкіна крынка”, “Магілёўхлебапрадукт”, “Чырвоны харчавік”, Бабруйскі мясакамбінат, Бабруйскі завод раслінных алеяў, Быхаўскі кансервава-агароднінасушыльны завод, гандлёвы дом “Цымус”, свае тавары і прадукцыю таксама прапануюць Клічаўскае і Глускае райпо, Бабруйскі гандлёвы цэнтр, бабруйскі “Прамгандаль”, “Бабруйсктрыкатаж”, “Клічаўскія Бытпаслугі” і Асіповіцкі камбінат бытавога абслугоўвання. 

На выставах-продажах, якія пачнуцца таксама ў 10 раніцы, госці свята змогуць купіць вырабы майстроў дэкаратыўна-ўжытковага мастацтва,  акрамя гэтага, будзе арганізавана выстава народнай творчасці “Дажыначны кірмаш” (беларускія падворкі). 

У 12:00 на бульвары Грахоўскага адбудзецца адкрыццё памятнага знака “Роднае гняздо” і Цэнтра культуры і вольнага часу “Арыён”, у цырымоніі прыме ўдзел старшыня Магілёўскага абласнога выканаўчага камітэта Леанід Заяц. Урачыстая цырымонія ўзнагароджвання перадавікоў аграпрамысловага комплексу Глускага раёна пачнецца ў 13 гадзін у “Арыёне” (уваход па запрашэннях). Спартыўная праграма свята адкрыецца ў 11 гадзін. 

На новай хакейнай пляцоўцы, якая дасталася глушчанам у падарунак ад жыхароў Бабруйска, пройдзе спартландыя “Спартыўная сям’я — здаровая краіна”. На міні-стадыёне ў 11 гадзін пачнецца турнір па міні-футболе сярод навучэнцаў устаноў адукацыі Глуска і Глускага раёна, прысвечаны памяці двойчы Героя Савецкага Саюза Шутава Сцяпана Фёдаравіча. На абноўленым цэнтральным стадыёне Глуска першымі згуляюць каманды ветэранаў футбольных клубаў “Белшына-Бабруйск” і “Днепр-Магілёў” — таварыская сустрэча пачнецца ў 13 гадзін. 

А ўжо ў 15:00 таварыскую сустрэчу па футболе правядуць зборная Глуска (дарослыя) і зборная школьнікаў. Так што заўзятарам гэтай гульні і спорту ўвогуле сумаваць не прыйдзецца — жарсці будуць кіпець не на жарт. Аматарам культурных мерапрыемстваў таксама знойдзецца каго паслухаць і на каго паглядзець. 

На адкрытай канцэртнай пляцоўцы каля раённага Дома культуры з 10 раніцы і да вечара будуць выступаць творчыя калектывы Глускага, а таксама суседніх Асіповіцкага, Бабруйскага і Кіраўскага раёнаў. Дзяцей запрашаюць на атракцыёны і гульнявыя пляцоўкі. А вечарам дарослых разам з дзецьмі чакаюць у абноўленым кінатэатры “Арыён” — тут у 19:00 пакажуць фільм для сямейнага прагляду “Правілы геймера” (6+).

Фотогалерея

Разработка и сопровождение
МГКУП «ЦГИС», г.Могилев
© 2007-2018
Глуский районный исполнительный комитет
Официальный сайт